انحنا رجال
شعر
/ عبدو الجندي
خلي
كلاشك يتكلم
واسبق
صفك أتقدم
كفاية
حقارة يا مظلوم
كفاية
ألم
كاتل
أولياء الشيطان
هتاكين
العروض والدم
أرباب
الوقيعة السوس
الفرضوا
القبيلة حكم
الورونا
خشم البيت
الخلونا
نتشرذم
الما
براعوا حرمة زول
سووا
الناس عبيد وخدم!
قسموا
أرِضنا فصلوها
وخلوا
وطنا ما بتـــِـلم
سقونا
المر بالتمييز
سقونا
الهم
**
** **
أوعه
تمد ايديك تاني
أوعك
تاني تتعشم
أوزن
مدفعك دّون
خلي
ضربتك أحكم
صفي
جنود حكومة الجوع
وديهم
جهنم ديل
أصلك
تاني ما ترحم
واقطع
دابر الفاسدين
يوم
الحشر ما بتندم
**
** **
انحنا
أحرار ، انحنا رجال
وقت
الحارة نتحزم
ما
بيشوف ضهرنا عدو
ما
بخوفنا شوف الدم
وما
بنهرب نخلي التار
وروهن
بنات العم
تشهد
لينا (كاودا) هناك
وأم
درمان وخور (مركم )
الأراضي
المحررة ـ مارس ـ 2012م
ليست هناك تعليقات:
إرسال تعليق